Ffurflenni cyfeirio

Gallwch gwblhau atgyfeiriad i chi'ch hun neu gall gweithwyr proffesiynol wneud atgyfeiriad ar ran goroeswr.

Pan fyddwn yn derbyn eich atgyfeiriad, byddwn yn cysylltu â chi i gasglu gwybodaeth bellach o fewn 3 diwrnod gwaith.

Pan fydd gennym yr holl wybodaeth sydd ei hangen arnom, bydd rhaid i chi gwblhau asesiad cychwynnol. Bydd y cyfarfod hwn fel arfer yn para tuag awr a byddwn yn cynnig apwyntiad i chi o fewn ychydig wythnosau.

Bydd yr asesiad cychwynnol yn cael ei gynnal gan weithiwr arbenigol sy'n deall trawma a bydd yn eich helpu i benderfynu pa wasanaeth sy'n briodol i chi ar yr adeg honno. Rydym yn cynnig ystod o wasanaethau gan gynnwys cwnsela, eiriolaeth, gwaith grŵp a gweminarau a byddwch yn cael gwybod am y rhain os yw ein gwasanaeth yn addas i chi.

Ar ôl eich asesiad cychwynnol, os yw'r gwasanaeth yn addas i chi, cewch eich rhoi ar ein rhestr aros a byddwn yn ymdrechu i gynnig apwyntiad sy'n cyd-fynd â'ch argaeledd a'ch gofynion penodol.  Ar gyfer cwnsela, ein nod yw darparu cwnselydd o’r rhyw o'ch dewis, y dull sy'n well gennych yn bersonol neu gwnsela o bell (ffôn/rhithwir) yn yr ardal o'ch dewis ac yn yr iaith o'ch dewis.